好多人都話，個個女仔都期望有一個童話般既盛大婚禮。但係睇完距地呢個婚禮之後，我反而覺得好攰。反而係結婚果兩個人最辛苦。

可能距地唔覺得啦，如果比著我係個新娘，我就真係頂唔順。由朝一直忙到晚，就連斟茶都要影成廿張相。到佐晚黑去到酒店，我覺得距既笑容明顯比下晝果陣勉强佐好多。影甘多相，招呼甘多人，想塊面唔笑到硬曬都難啦～～真係好辛苦啊～～

仲有另外一樣感觸就係，我唔知道係米大部分既香港人都同距地一樣，遲結婚。我唔知係米好多人都係甘，反正我識得既果D，好多都好似Isis同Wilson甘，兩個人都三十幾差唔多四十歲啦先至拉埋天窗。對于晚婚呢樣野，贊唔贊成就見仁見智啦。應該話唔同地方唔同生活環境所以會有唔同習慣掛。我身邊都周不時聽到D人好早就結婚，對于我來講，25歲之前都叫早嘎啦～～好似我表姐甘，今年就要結婚啦。。先24歲。有時我自己都會諗，到佐我24歲果陣會點呢？我諗我未接受到甘快就離開爸爸媽媽，要自己承擔起一個家庭既責任，又或者係，甘快就做媽咪～諗起都覺得接受唔到。都唔知自己幾時先會大個～？！

我諗，我都係屬于，遲結婚兼唔會大排筵席擺酒結婚一族嘎啦～～